Editor's note: [Cancer]-ka oo ah cudur halis ah ayaa ay muhim tahay in looga digo bulshada si ay goor hore isu baadhaan, islamarkaana dhibaatadaa loogu helo xal loo qaateen ah.
Haddii aad aragto calaamadahan ha fududeysan, waxa ay astaan xilli hore ah u yihiin in aad u dagan tahay cudurka halista ah ee #Kansar-ka, ogoow kol walba oo aad u howl gasho goor hore sidii aad oga hor-tagi lahayd cudurkaa in ay kaa caawinayso in aad degdeg uga caafimaado; Astayaasha laga yaabo in aad isku aragto ee ay tahay in aad si dhow u eegtaa, oo aadan fududaysan ayaa ay ka mid yihiin.
Daal joogta ah oo wax walba oo aad qabsan layd kaa hor-istaaga, culeyskaaga oo uu hoos u dhac ku yimaado..Intuba waxa ay astaan dhow u yihiin, kansarka xiidmaha[Colon cancer], lafaha, kelyaha iyo dhiiga.
~ Xanuun xooggan oo aad dalqada ka dareentaa..Inta badan waxa uu astaan u yahay Kansarka caloosha, tubada isku xidha dalqada iyo qaybta sare ee caloosha[Oesophageal cancer], iyo dhuunta.
~ Hargab joogta ah oo dhiig iyo xanuun tan iyo xabadka dherarsan ay wehliyaan, islamarkaana naqasku ku qabanayo, sida badan waxa uu astaan u yahay kansarka kelyaha.
~ Xadhgaha codka, oo marmar is xidha ama ay codkaagu xabeeb xoogani dabooshaa, waxa iyana astaan loo qaateen ah ay u tahay kansarka dalqada.
Astayaashaa loola jeedaa oo keliya baraarujin, iyo goor hore is baadh
Abdi, Yasin; Khabiir Xagga Caafimaadka ah
~ Madax xanuun joogta ah..waxa uu astaan u yahay kansarka lafaha, ama madaxa, gaadh ahaan kolka ay wehliyaan adigii oo wareera, hamaansi kol walba ah, aragaaga iyo maqalkaaga oo aan sidii aad arki jirtay abbaar ahayn.
~ Midabka jirkaaga oo is bedela.
~ Xanuun aadan garanaynin meel uu kaa hayo oo joogta ah.
~ Xawadaada oo aad dhiig ku aragto.
~ Haweenka oo kolka ay da' gaadhaan, oo ay dib isugu arkaan dhiigi bilaha ahaa.
~ Saxarada iyo kaadida oo aad dhiig ku aragto.
~ Xanuun iyo barar xagga caloosha ah.
~ Xummad, dhidid joogta ah iyo wareer.
~ Lalabo iyo matag joogta ah.
~ Adigii oo si joogta ah isu xoqa.
~ Nabraha jirkaaga ku dhacay oo aan degdeg biskoon.
Calaamadahaa waxa loola jeedaa oo keliya baraarujin iyo in haddii aad isku aragto aadan dhayalsan, ee aad degdeg dhakhtarka u gaadho, iyadii oo aysan taasi macnaheedu ahayn, in haddii aad calamaadahaa isku aragto aadan judhiiba u qaadan in aad kansar qabto, waxa aad qabto ee kama dambaysta ah, waxaa lagu ogaan karaa oo keliya baaritaan caafimaad oo lagugu sameeyo.
Info; News Agencies, + #Codkeena | Photo; [IFP Nano Pharmaceutical]
